![Image-empty-state.png](https://static.wixstatic.com/media/87cbbb_ca7d88b165f64421a59ce7f4ec5d7d90~mv2.jpg/v1/fill/w_413,h_231,al_c,lg_1,q_80,enc_auto/Image-empty-state.jpg)
Tatarak
Andrzej Wajda (Suwalki, Polonia, 1926) Arte Ederretako ikasketak egin zituen Krakovian eta zinema-ikasketak Lodzeko eskolan. “Pokolenie” (1954), “Kanal” (1957) eta “Popiol i diament” (1958, “Errautsak eta diamanteak”) Poloniak alemanen okupazio-garaian bizi izan zituen aldaketei buruzko trilogiak badu Buñuelen eragina, eta arrakasta handia izan zuen nazioartean. Hurrengo filmak: “Popioly” (1965, “Errautsak”); “Krajobraz po bitwie” (1970, “Guduaren ondorengo ikuspegia”); “Smuga Cienia” (1976, “Itzalezko marra”); “Czlowiek z marmary” (1977, “Marmolezko gizona”); “Dyrygent” (1980, “Orkestra-zuzendaria”); “Czlowiek z zelaza” (1981, “Burdinazko gizona”, Gdanskeko ontzioletako gertakariak eta Solidarnosc sindikatuaren sorrera kontatzen duen filma); “Danton” (1982); “Ein liebe im Deutschland” (1983). 2000. urtean Ohorezko Oscar Saria jaso zuen Wajdak eta 2006. urtean, Berlingo Nazioarteko Zinemaldian, Ohorezko Urrezko Hartza.