Sedmikrásky

+ KORTeN! Ur azpian lore. Aitor Oñederra, 2021, 14’. Anim.

Gonb.: Aitor Oñederra (zuz)

Aurk.: Norberto Albóniga (Fas)

Collage eran eraikitako film dibertigarri eta maitagarria. Bi neska hondartzan hizketan ari dira, eta ondorioztatzen dute: “Mundua usteldua dago, eta gu ere hala egongo gara”. Ideia hori dela medio, gaiztoki portatzen hasiko dira, eta elkarrekin loturarik ez duten gorabeherak gertatuko dira: gizon helduak engainatuko dituzte haiei otorduak ateratzeko, paretak margotuko dituzte, ikuskizunak boikoteatu, beste batzuen oturuntza hondatu...

Ez dago ildo narratibo bat, eta irudiak eta soinuak grazia handiarekin datoz bata bestearen atzetik. Une jakin batzuk oso ongi eratuta daude, eta beste batzuek ez dute hainbeste harritzen.

60ko hamarkada nahasiko zinemaren erakusgarri bat; film oso-oso ausarta, probokatzailea eta esperimentala, urteak igarota ere oraindik harritu egiten gaituena.

Beharbada, 70eko punk munduaren iragarpena dago, eta Eskorbutok handik urte batzuetara esango zuen bezala: “Nada más nacer / empiezan a corrompernos / eso nos demuestra / que somos anti todo” (jaio orduko gu ustelarazten hasten dira, horrek erakusten digu “antitodo” garela).