Lope

Euskal Gidoigileak-ekin elkarlanean saioa 

Filma aurkezteko Ignacio del Moral gidoilariak egingo digu bisita.

Gauza jakina da idazle askoren bizimoduak hainbat nobela idazteko ematen duela. Lope de Vegaren kasua da, gaztaroan izandako amodioek film baterako materiala eman diote Andrucha Waddingtoni.

Bitxia bada ere, zuzendari brasildar batek eraman du pantaila handira poeta espainiarraren biografia. Antza, bere lana ez du batere gaizki egin, Venezia eta Torontoko jaialdietarako hautatu baitute.

XVI. mendeko Madrilen, idazle ezaguna izan aurretik Lope de Vegak bi emakumerekin izan zuen harreman sutsua da filmaren ardatza. Batetik, Isabel de Urbina dago, gerora haren emaztea izanen zena, baita alabaren ama ere. Bestetik, Elena Osorio, Velazquez familia boteretsuaren alaba. Idazleak haren aitarentzat idazten zituen komediak, eta bitartean alabari gorte egin.