Feng liu yi dai

Gonb: Lorenzo Damián García

Txina 2000. urte hasieran: Qiao Qiaok eta Guao Binek oso maite dute elkar baina maitasun hauskorra da. Guao Bin desagertu egingo da aukera berrien bila beste probintzia batera joateko, eta Qiao Qiao bila joango zaio.

Istorio honen bitartez, filmak XXI. mendeko Txinaren erretratua erakusten du. Zuzendaria beste behin jardungo da herrialdearen aldaketa sozioekonomikoez, eta abiadura kapitalistak eta teknologia berrien ezarpen neurotikoak gizartea nola inarrosten duten. Urrunago ere joango da, gogoeta egingo baitu zinemak fenomeno hori islatzeko duen gaitasunaz.

Aurreko filmetako irudiak eta berriagoak diren beste batzuk dakartza pelikulak. Hiru zati ditu: lehenengoan testuren nahaste bat dago, hondakinak ageri diren espazioak, lekukotasun dokumentalak non, une jakinetan, maitaleek elkar topatuko duten; bigarrenak perspektiba aldatzen du, eta "natura hilaren" irudiak ageri ditu; hirugarrenean, berriz, ilunabarra dator, eta aldi berean esperantzari leku egiten zaio.