April

Gonb.: David Ontoria

Zuzendariak berretsi egin du bere burua bigarrena duen film honekin, hau ere originala eta interesgarria baita.

Abortuaren gai zailari heldu dio Georgiako errepublikan.

Haur jaioberri bat hil ondoren, Nina ginekologoaren morala eta profesionaltasuna zalantzan daude, behar duenari legez kanpoko abortuak egiten dizkiolako zurrumurru artean. Bere lanbidean etikak eta legeak harrapatuta dagoen emakumearen erretratua.

Eszenaratze gordina, dokumentalaren eta performancearen artekoa. Plano finko luzeak; herrialdeko landa munduaren pobrezia azpimarratzen duen argiztapena, naturak ematen dituen irudi ikusgarrien kontrastearekin. Bigunkeriarik eta soinu zakarrik gabea, elkarrizketa doiak eta espresio handikoa. Azpimarratzekoa protagonistaren interpretazioa.

Epaimahaiaren Sari Berezia jaso zuen Veneziako Zinemaldian.