(Oiartzun, Gipuzkoa. 1980)

1997an Arte Ederrak ikasten hasi zen (EHU/UPV), eta 2001ean Londres Handiaren hego-mendebaldera joan zen, Kent Institute of Art & Design-era, espezializatzera. AAEEn lizentziatua (EHU/UPV. 2003).

Ikasketak amaituta, Napartheid-en argitaratu zituen komikiak (Napartheid: 1988an Nafarroan euskararen defentsan agertu zen euskarazko fanzinea) eta 2006an Zasta Films animazio eta ekoizpen taldea sortu zuen. Aldi berean, DNA Films Ltd britainiar enpresarako storyboard sortzaile gisa lan egiten du, filmetarako animazio eta storyboardetan parte hartuz: 28 Weeks Later (Juan Carlos Fresnadillo. 2007), Caótica Ana (Julio Medem. 2007). Sorkuntzaren eta ekoizpenaren munduan, Komiki Films-ek hartu zuen Zasta Films-en lekukoa, eta bertan aktiboki parte hartzen du Kotek.

2010ean, Txintxua Films-en laguntzarekin, bere lehen film laburra egin zuen, La gran carrera, sari ugari irabazi zizkion (tartean KORTeN! 1. edizioa) eta Europako Zinema Akademiak izendatua. Animazioak egiten jarraitzen du, Urrezko eraztuna (Jon Garaño. flb. 2011), eta Elkartean (flb. 2013) zuzendaritzara itzultzen da, bitxikeriaz animazioa alde batera utziz fikzioa egiteko.

2014an animaziora itzuli zen Don Miguel film laburrarekin. EHU/UPVrekin harremana mantentzen du eta horren emaitza dira Beti bezperako koplak (2016) eta Areka (2017) film labur kolektiboak. Gure Zaharra (eta Itsasoa) (Lander Camarero. flb. 2017) edo Margolaria(Oier Aranzabal. 2018) animazioekin uztartzen dituen lanak. 2019an Txillardegi idazleari buruzko lana egin zuen, eta ‘Txillardegi (eta Monzón) Bergaran’ (Komiki Films. 2025) komikian jarraitu zuen.

Puzzleak – Bortxaketaren jauregia (flb. 2024) da bere azken lana, oso pertsonala, gidoi, zuzendaritza, muntaketa eta animazioa egiten. Popel-en (Oier Plaza. 2025) storyboard-a ere garatu zuen, Bigarren Mundu Gerran deportatu eta nazien preso baten istoriora garamatzana.

Fasera bisitak:

2562 Saioa     2025/05/13   Kadib abyad / Puzzleak (flb)

2210 Saioa     2015/04/28   Don Miguel (flb) + 6 film labur  (III. Aitzol Aramaio Saioa / II. KORTeN!)

2193 Saioa     2014/12/16   La gran carrera (flb) (I. KORTeN! saria) / Costa da norte*