(Donostia, 1961) 

Arte Ederrak ikasi zituen Kunstakademie Duesseldorf-en, Alemanian eta Animazioa California Institute of the Arts-en (Calarts). 2003an Espainiara itzuli aurretik (2011ra arte) Kataluniako Animac, Mostra Internacional de Cinema d 'Animació zuzendu zuen, eta Consell Nacional de la Cultura i de les Arts-ek (CoNCA) emandako Ikus-entzunezkoen Sari Nazionala jaso zuen. Artelekuko Mugimenduzko Irudiaren Laborategiaren (LIM) koordinazioa eta programazioa bere gain hartu zituen. Pekingo China Academy of Fine Arts-en (CAFA) eta Ahmedabadeko (India) National Institute of Design-en (NID) ere irakasle izan zen. 2017tik animazio-irakaslea da Kunsthochschule für Medien Köln-en (Alemania).

Hainbat film labur zuzendu eta ekoitzi ditu, hala nola La Gallina Ciega (2005), Ámár (2010), Bajo la Almohada (2012), Amore d 'inverno (2015) eta Kutxa Beltza (2016). Amaitu berri du bere lehen film luzea, El sueño de la sultana (2023). 2023an, halaber, IMAXINARIA (A Coruña) jaialdiaren 1. edizioko epaimahaiko kide da. Bertan, ANIMAZIOKO AKTIBISMOA saria jaso zuen, irakasle-lana eta kolektibo ahulekin edo behartsuekin izandako inplikazio soziala saritzeko.