El verdugo

35mm-tan filmatutako bertsioan, zentsurak kendutako erakusgabeko sekuentziak 

Liburu aurkezpena: ‘El verdugo’, Kepa Sojorena.

Gonb.: Kepa Sojo, zinema zuzendaria

Elkarrizketa batean Pablo Berger-ek El verdugo (Borreroa) pelikula bere gustokoenen artean kokatu zuen, filma “heriotza-zigorraren kontrako komedia” moduan definitzen zuen. Badago filma “garai guztietako espainiar komediarik onena” moduan izendatu duenik ere. Dena den Garcia Berlangaren filmen ezaugarri guztiak dituen pelikula baten aurrean aurkitzen gara, zinema koral, iraultzaile, sozialki kritikoa eta bere lan onenen artean kokatzen dena.

Gidoian, Berlangarekin batera, bere ohizko laguntzaile den Rafael Azcona eta Ennio Flaiano (Felliniri lotuta doan izena, bera hainbat pelikuletan lan egin duena: La Dolce Vita, Fellini 8 ½, La Strada,…) aurkitzen ditugu. Gidoia ikaragarria da, originala, ondo eraikia eta egundoko umore puntuekin. Guzti horri aktore bikainak gehitzen badzkiiogu, emaitza pentsa arazten digun pelikula oso dibertigarria dugu. Heriotza-zigorraren kontrako arrazoibide bat eta 60. hamarkadan Espainiari kritika bat. Pertsona askoren gogoan irudikatzen dira momentu anitz, alde batetik “aita, alkandora neurri daukazu?”, bestetik Pepe Isberten ahots apurtuan entzuten den “zigorra badago, norbaitek betearazi behar du”, edota guardia zibil bikote horrek egiten duen ibilbide “erromantikoa”… Gozatuko dugu.