Das Testament des Dr. Mabuse

“Das Testament des Dr. Mabuse” zinegile alemaniarraren idearioa ondoen laburtzen duen filma da. Nazismoaren goren uneak eten zuen eta 25 urte geroago berrartu beharreko etapa baten puntu eta bereiza. Polizi-generoaren formatua hartu eta Langek, Mabusekin, 30 hamarkadako lehenengo urteetan Alemaniak bizi zuen ezinegonaren isla zehatza gauzatu zuen. Lang, duda barik, zinegile politikoa da, ez izatea posiblea al da?…

Iaiotasunez erabili du bai irudia bai soinua, pertsonaien ikerketa sakonetik aldendu eta ekintzaren psikologia nagusitzeko. Pertsonaiak horrela, ikuslearen modura, ustekabekoaren menpean geldituko dira. Zinemagile sortzaile inor bada Fritz Lang da eta ihes egiterik ez daukaten/ daukagun unibertso itxi bat eskainiko digu film honetan.