Image-empty-state.png

Beginning

Opera prima bat da, zinemaren aldetik ezezaguna zaigun herrialde batekoa. Donostiako jaialdira ospea hartu eta gero iritsi da; izan ere, Cannesko jaialdirako hautatua izan zen eta Toronton saritu egin zuten. Donostian, berriz, erratza pasatu zuen: Urrezko kontxa, eta sariak, zuzendari onenagatik, gidoi onenagatik eta emakumezko aktore nagusiaren antzezpen onenagatik.


Herri txiki eta lasai batean gertatzen da istorioa: Jehovaren Lekukoen komunitate bati eraso egingo dio talde estremista batek; hori dela medio, Yana, komunitateko liderraren emaztea, behera etorriko da. Hala, filma emakume horren bueltan harilkatuko da, harrapatuta egongo dena emaztearen, amaren eta lidergo erlijiosoari eusteko giltzarrizko “piezaren” rolean.


2429 SAIOA 8/6/2021
Georgia/Frantzia - 2020 - 130 m. Zuz Dea Kulumbegashvili G Dea Kulumbegashvili, Rati Oneli Arg Arsheni Khachaturan Akt Ia Sukhitashvili, Kakha Kintsurashvili, Rati Oneli