As mil e uma noites: Vo. 3, O Encantado

2300 Saio berezia

Aurkezpena: Manu Paja, Fas Zineklubeko bazkide eta presidenteorde ohia

Bere ibilbide partikularra jarraitzen du Miguel Gomes-ek “1001 gau” horietatik, troikak (CE+BCE+FMI) ezarritako arauek Portugalen sortutako egoera ekonomikoaren inguruko mila eta bat historia. Egoera berri batera garraiatzen gaitu, agian Sherezaderen (ikaragarria Crista Alfaiate, aurreko ataletan punka izan zena –1.atala– eta gerora jenio –2.atala–) edertasunarengatik liluratuta; atzean uzten dugu “egongaitz” eta “atsekabetua”. Gomesek olibondoa astintzen jarraitzen du, erortzen den oliba bakoitza ipuin bat izango da, espresio dirdiratsu bat, zeinek filmari adi bi orduz liluratuta edukiko gaituen erritmo desberdinak ezarriz (emaitza desberdinekin gustuen arabera). Beste behin ere animali-mundua ageri da, oraingoa kanarioekin (lehen oilarra izan zen, gero ”behia”). Beste 4-5 ordutan lagundu gaituen off-ahotsa baztertzen du efektu desberdin bat sortuz. Inguratzen gaituen eremuaz hausnartzera bideratzen gaituen etengabeko pausu irmo eta surrealista; airea, kafea, auzokideak, hipoteka, lana, langabezia… istorioak sortzeko osagai guztiak sei ordu luze hauei amaira emateko (liluratuta gelditu ginen).