Amour

Emanaldi Berezia: Amour aurrestreinaldia • Golem zinemetan emanaldia

2012an Cannesseko Zinemaldian Urrezko Palmondoa • Europako Zinearen Sariak 2012: Filma, Zuzendaria eta Emakumezko/Gizonezko Aktore Onena

Gonb.: Juan Zapater, zinema-kritikaria eta BilbaoArte Fundazioaren zuzendaria

Maitasunak ez omen du adinik, ez gutxienez Michael Haneke zuzendariarentzat. Filmaren protagonistak Georges (Jean-Louis Trintignant) eta Anne (Emmanuelle Riva) dira, 80 urte inguruko bi musika-irakasle. Bien arteko amodioa da gai nagusia. Annek, gainera, iktus bat jasan beharko du, benetako amodioa azaleratzen lagunduko duena.

Amour hunkigarria da benetan, eta seguruenik Hanekeren filmik zintzoena. Sentimendu errealenetan eta gordinetan barrena doa zuzendari austriarra, eta narrazio leun eta lasaiaz baliatzen da istorioari dramatismoa gehitzeko.

Aktoreen lana ere paregabea da; besteak beste, Emmanuelle Rivak eta Jean-Louis Trintignantek sortutako buruz burukoa, argumentuaren euskarri nagusienetarikoa. Zer esanik ez, Isabelle Huppert-en papera, Hanekerekin The Piano Teacher (2001) pelikulan ere lan ikaragarria egin zuena.