Alps
Gonb.: Iratxe Fresneda, EHUko irakaslea
Latza da greziarren egoera gaur egun. Zakarra. Ohituta gaude antzinako tenplu eta orakuluen dekadentzia ikusteaz. Baina ohituta al gaude krisi ekonomiko eta sozialei aurre egiteaz? Yorgos Lanthimos-ek irrealitate krudeleko filmak egiten ditu horretarako. Latzak. Zakarrak. Isiltasunek hitz egiten dute greziarraren filmetan. Askotan ez dakigu antzezpenak noraino doazen, ezta zein neurritan isiltasun horien beharra dagoen, baina hor daude. Atenaseko zuzendariaren opera prima Kinetta (2005) izan zela esan dezakegu. Bertan narrazio ez linealak, isiltasun luzeak eta desenfokeak dira ugari. Gus Van Sant-ek erabiltzen dituen tresnetaz baliatzen da greziarra. Baina zerk uzten du ikuslea hain ahozabalik? Gizakiaren krudeltasunak. 2009an proiektu landuagoa bideratzen du Lanthimos-ek: Dogtooth (Fas Zineklubean ikusita). Attenberg (2010) eta Alps (2012) filmekin osatzen da bere filmografia.
2129 SAIOA - 2012/3/12
ALPS ∙ Grezia ∙ 2012 ∙ 128 min.
Zuz.: Yorgos Lanthimos ∙ G.: Yorgos Lanthimos y / eta Efthymis Filippou ∙ Arg.: Christos Voudouris ∙ Mnt.: Yorgos Mavropsaridis ∙ Eko.: Athina Rachel Tsangari y / eta Yorgos Lanthimos ∙ Akt Stavros Psyllakis, Aris Servetalis, Johnny Vekris, Ariane Labed