(Cheste, Valencia/Valentzia. 1963)

Arte Historian lizentziatua eta Historia Garaikidean doktorea da (Valentziako Unibertsitatea), ‘Profesores franquistas, antifranquistas y en la “zona gris” [1936-1950]’ (2017) tesiarekin. Urte berean, Carmen Burgos Saiakera Saria jaso zuen ‘Mujeres y antifascistas, doblemente perdedoras [1922-1950]’ lanarekin.

2019an, Catarata Saiakera Saria jaso zuen ‘Apóstoles de la razón: La represión política en la educación’ lanarekin eta ‘Los profesores de Segunda Enseñanza en la guerra civil’ ikerketa burutu zuen. Francoren garbiketa politikoari eta irakasleen erbesteratzeari buruzko artikuluak ere argitaratu zituen. Garai hartan, eta ikerketa beka baten bidez, ‘Los Gaos. El sueño republicano’ (2020) (Gaoak. Amets errepublikanoa) idatzi zuen.

Gaur egun, kultura-historia garaikidean eta zinemaren eta literaturaren arteko loturan interesa du. ‘Conversación sobre la Historia’ blogean ere kolaboratzen du. 2022an, ‘La viuda, el cine y los materiales buñuelescos. Correspondencia Max Aub-Muñoz Suay [1966-1972]’, eta berriki ‘Lola Gaos. La fuerza de una actriz’ (2024) (Aktore baten irmotasuna).