(Bera [de Bidasoa], Navarra. 1963)

Donostiako Goi Mailako Musika Kontserbatorioan eta Madrilgo Goi Mailako Musika Kontserbatorioan hasi zituen musika ikasketak. 1988an Gipuzkoako Foru Aldundiaren beka jaso zuen Liejako Goi Kontserbatorioan ikasteko, Joseph Alfidi maisuarekin.

Bere palmaresean sari batzuk aipa daitezke: Gipuzkoako Pianista Gazteak (1977), Albaceteko Virgen de los Llanos (1987), Tenerifeko Yamaha de Santa Cruz (1988) eta Bartzelonako Música de Cámara Monserrat Alavedra (1996).

Irakaskuntzarekin eta kontzertu-jarduerarekin batera, zinematografiaren munduarekin lotutako jarduera bizia gauzatzen du, Espainiako Filmategiarekin aldi mutuko musikak berreskuratzeko duen lankidetzaren bidez.

1999an The Silent Bandtaldea sortu zuen, film mutuak zuzenean laguntzeko. Lehen lana R. Chapiren La Revoltosa filmaren laguntza izan zen, Madrid Imagen jaialdiaren enkarguz eta Lucaino Berriatuaren laguntzarekin. The Silent Band taldeak H. Riesenfelden musika grabatu zuen F.W. Murnauren The Last Laugh filmerako, merkatu amerikarrean banatzeko. Curro Vargas eta La casa de la Troya filmetako musikak zaharberritzen parte hartu du 2003. urtean. Film in Music Stifting fundazioak kontratatu ditu eta bira bat egin dute Holandan eta Belgikan, Murnauren Faust filmaren Paul H. Haenselen partitura interpretatuz.

Euskadiko Orkestra Sinfonikoaren ohiko kolaboratzailea da. Piano-jotzaile ofiziala izan da Luis Mariano Nazioarteko Kantu Lehiaketan. Gaur egun, Euskal Herriko Goi Mailako Musika Ikastegiko (Musikene) irakaslea da.

Fasera bisitak:

2218 Saioa     2015/06/23   Nosferatu, eine symphonie des grauens