(Banyoles, Girona, 1975)

Idazlea eta zinema-zuzendaria. Filologia Hispanikoan eta Literaturaren Teorian eta Literatura Konparatuan lizentziatua Bartzelonako Unibertsitatean, hainbat antzezlan idatzi eta hainbat bideo-lan ekoitzi ditu. Crespià, la película, no la ciutat (2003) zineman egin zuen lehen lana da, Montse Triolarekin batera ekoitzi zuen ere (2002an Andergraun ekoiztetxea sortuz). 2006an, Honor de cavallería idatzi, ekoitzi eta zuzendu zuen, 2006ko Canneseko Zinemaldiko Zuzendarien Hamabostaldian eta beste hainbat jaialditan (Seul, Vancouver, Viena, Londres, São Paulo, Rotterdam, Gijón, Göteborg, etab.) aurkeztutako filma, eta 2006ko azaroan Fas zineklubean proiektatu zen. El cant dels ocells (2008), berriro hautatu zuten Espainiako zinema ordezkatzeko Frantziako jaialdi ospetsuan, eta 2009ko maiatzean Fas zineklubean ere proiektatu zen.

El Senyor ha fet en mi meravelles (2011), Els tres porquets / Los tres cerditos (2012) Kassel-eko dOCUMENTArako Hitler, Goethe eta Fassbinderren figurei buruzko proiektu artistikoa da.

Història de la meva mort (2013) filmak Locarnoko Nazioarteko Zinemaldiko Urrezko Lehoinabarra irabazi zuen (filma 2014ko otsailean aurkeztu zuen Fasen). 2016an, La mort de Louis XIV aurkeztu zuen, lan horrek 2017ko Feroz Saria jaso zuen. 2019an, Cannesko Zinemaldira itzuli zen Liberté filmarekin, gordin eta gordina den lana, 2020an Fasera ere ekarri zuena. Haren hurrengo film luzea Pacifiction (2022) izan zen, film berezia, Cannesko 2022ko Urrezko Palmaren lehian parte hartu zuena (eta 2023an Fasen proiektatu zena). 2024an Tardes de soledad egin zuen, Donostiarra Zinemaldiko Urrezko Maskorra irabaziz, eta Fasera itzuli zen ZINEBIrekin elkarlanean.

2025etik aurrera, Out of This World film luze berriaren grabaketan murgildu zen Letonian; muntaketa-lana Bilbon egin zen, eta filma 2026aren amaieran estreinatzea aurreikusten da (…???). Ingrid Caveni (Fassbinderren musa) buruzko dokumental batean ere lan egin zuen, 2025aren hasieran Parisen filmatua, Seize moments de ma vie. Bilbon egindako egonaldiak (urtebete ingurukoa) Albertek Fas bisitatzea ekarri zuen bi aldiz: lehenengoan,  Werner Herzogen Ghost Elephants (2025) filma aurkezteko; eta bigarrenean, Gérard Herzogen Portrait-souvenir: Marcel Proust (1962) telebista-dokumentala aurkezteko.

Bizitzak aurrera jarraitzen du, eta zure zain egongo gara.

Fasera bisitak:

2580 Saioa     2026/01/27   Portrait-sovenir: Marcel Proust / Bariazioak (flb) 

Z073 Saioa     2025/11/25    Zinebi berezi saioa, Ghost Elephants

2539 Saioa     2024/11/12   Tardes de soledad (Zinebi)

2483 Saioa     2023/02/28   Pacifiction

2374 Saioa    2020/01/14   Liberté

2285 Saioa     2017/5/20   La mort de Louis XIV

Guggenheimen (Top Arte) XX. urteurrena zela eta, Albertek ezin izan zuen etorri, eta Norbertok ordezkatu zuen.

2164 Saioa    2014/02/18   História de la meva mort

1988 Saioa    2009/05/12   El cant dels ocells

1893 Saioa    2006/11/21   Honor de cavalleria