LUIS LÓPEZ CARRASCO

LUIS LÓPEZ CARRASCO

Luis Lopez Carrasco, «Colectivo Los Hijos» taldeko kidea da, Javier Fernandez Vazquezekin eta Natalia Marin Sanchorekin batera eta El futuro (Etorkizuna, 2013), bakarrean zuzendutako lehenengo film luzea da. Zinegilearen esanetan, El futuro film politikoa da, “batera edo bestera, film guztiak direlako politikoak”. Lopez Carrascoren iritziz, “jarrera politikoa hartzen ez duen film batek azken hogei urteotan ikusi dugun estrategia nabarmenena, garbiena eta argiena islatuko du: garai historiko hori ideologien gainetik egon den garaia izan dela pentsatzea. Norberaren burua apolitikotzat hartzea ideologikoki agerian geratzeko modurik hoberena da, aginte hegemonikoak, finantzazkoak edo instituzionalak esandakoarekin elkarbizitza akritikoan instalatuta gaudela erakusteko modurik hoberena, hain zuzen ere”.